Праграма № 1 Працягласць: 2 дні/1 ноч Маршрут: Гародня + Аўгустоўскі канал - Мураванка - Ліда - Наваградак ФОТАГАЛЕРЭЯ Праграма ў 1-шы дзень: Гародня Гародня па праве завецца горадам-музеем. Ён захаваў старажытную планіроўку і вялікая колькасць першакласных помнікаў дойлідства, якія належаць розным архітэктурным стылям: ад пабудоў гарадзенскай архітэктурнай школы XII ст. да будынкаў мадэрністаў і канструктывістаў XX ст. Сэрца горада пачало біцца на Замкавай гары. Стары замак, Новы замак сталі музеямі з багатай экспазіцыяй. У мінулым горад выконваў ролю рэзідэнцыі князёў ВКЛ і сталіцы Рэчы Паспалітай, з горадам звязаныя лёсавызначальныя падзеі гісторыі Беларусі. Гарадзенскі новы замак XVIII ст.+ музей Гарадзенскі стары замак Стэфана Баторыя XII ст. + музей царква Каложская XII ст. сінагога харальная ХХ ст. царква Нараджэння Найсвяцейшай Маці Божай і кляштар базыльянак XVIII ст. касцёл Адшукання Святога Крыжа і кляштар бернардынаў XVII ст. касцёл Маці Божай Анёльскай і кляштар францысканаў XVIII ст. касцёл Святога Францыска Ксаверыя XVII ст. кірха Святога Яна ХІХ ст. аптэка XVIII ст. Катанне на параходзе па Аўгустоўскім канале, унікальным гідратэхнічным збудаванні першай паловы ХІХ стагоддзя. Аўгустоўскі канал – гэта трансгранічная водная артэрыя. Дзякуючы яму ўсе водныя артэрыі Цэнтральнай і Ўсходняй Еўропы завязаныя ў адзін вузел. Агульная працягласць канала цяпер складае 102,5 кіламетры, з якіх 22 кіламетры праходзіць па тэрыторыі Беларусі (ад беларуска-польскай мяжы да ўпадання ў Нёман). Усіх, хто мроіць пра рамантыку вандровак, марыць убачыць не кранутыя цывілізацыяй мясціны роднай зямлі і адчуць подых прыроды, чакае чароўны куток Гарадзенскай вобласці. Праграма ў 2-гі дзень: Мураванка Сярод найбагацейшай архітэктурнай спадчыны Беларусі царква ў Мураванцы займае пачэснае месца. Цяжка знайсці ў нас будынкі больш арыгінальныя паводле стылістыкі і самавітасці. Не так шмат старажытных храмаў дайшло да нас у першасным выглядзе… А змуравалі яе яшчэ ў 1524 г. Храм цытадэль узняты на падмурак з валуноў. Магутны будынак фланкіраваны па кутах абарончымі вежамі, у якіх зробленыя байніцы. царква Нараджэння Маці Божай XVI cт. Ліда Датай узнікнення Ліды лічаць 1323 год – пачатак узвядзення Лідскага замка, вакол якога паступова вырас горад. Лідскі замак – адзін з самых вялікіх на тэрыторыі сучаснай Беларусі (памеры замкавага двара прыкладна 80х80 м.). У тыя часы Вялікім князем Літоўскім быў князь Гедымін, які ўвайшоў ў гісторыю, як таленавіты ваяр з крыжакамі. Лідскі замак Гедыміна XIV ст. + музей касцёл Узвышэння Святога Крыжа XVІІІ ст. царква Святога Міхаіла Арханёла і кляштар піяраў XVІІІ ст. Наваградак Першыя згадкі пра Наваградак адносяцца да 1044 г. Наваградак – першая сталіца Вялікага княства Літоўскага. Наваградак мае унікальны помнік абароннага дойлідства эпохі сярэднявечча – замак, якія збудаваны на Замкавай гары). Узведзены ў старажытным цэнтры горада як велікакняжацкая рэзідэнцыя. У 1253 г. ад імя Папы Рымскага ў Наваградку быў каранаваны першы і апошні кароль Літвы – Міндоўг. Горад слаўны сваім гістарычным мінулым і непаўторнай архітэктурай. Наваградскі замак XІІІ ст. касцёл Ператварэння Гасподняга XVІІІ ст. касцёл Святога Міхаіла Арханёла XVІІІ ст. царква Святога Мікалая XVІІІ ст. царква Святых Барыса і Глеба XVІ ст. дом-музей Адама Міцкевіча XІХ ст. У кошт тура ўваходзіць: транспарт: праезд камфартабельным аўтобусам экскурсіі: па маршруце сілкаванне: 1 сняданак пражыванне ў гатэлі "Турыст" Гародня: 1 ноч Кошт праграмы За дадатковую плату: •   абед •   уваходныя квіткі ў музеі •   катанне на параходзе па Аўгустоўскім канале. Тэлефануйце і прыходзьце! Тэл./ф.: +375 17 200 04 68 Маб. тэл.: +375 29 677 00 46 г. Мінск, зав. Праязны, 3-1   ПАКІНУЦЬ ЗАЯЎКУ